top of page
Published in
Academic Frontiers
Integrasyon ng Teknolohiya sa Pagtuturo ng Filipino: Pananaw ng Guro sa Senior High School
Academic Frontiers, 2(7), 103-117, ISSN: 3082-4400, 2026.
Recommended Citation:
Nacional, J. N. (2026). Integrasyon ng Teknolohiya sa Pagtuturo ng Filipino: Pananaw ng Guro sa Senior High School. Academic Frontiers, 2(7), 103–117. https://doi.org/10.5281/zenodo.21660288
Author(s)
Nacional, Joy N.
Abstract
Ang pananaliksik na ito ay naglayong suriin ang pananaw at direktang karanasan ng apat na guro sa Senior High School sa Batuan District, Masbate hinggil sa integrasyon ng teknolohiya sa pagtuturo ng asignaturang Filipino para sa taong panuruan 2024- 2025. Upang makapangalap ng malalim at komprehensibong datos, ginamit sa pag-aaral ang isang deskriptibong mixed-methods na disenyo na pinagsama ang survey questionnaire, semi-structured na panayam, at focus group discussion (FGD). Batay sa mga pangunahing natuklasan, lumabas na ang lahat ng gurong kalahok (100%) ay palaging gumagamit ng video presentations bilang kanilang pangunahing kagamitang audiovisual sa loob ng klase. Bukod dito, positibo ang pangkalahatang pagtanggap sa modernisasyon dahil 100% sa kanila ang nagpapatupad nito sa araw-araw na pagtuturo, kung saan ang kalahati ay nakadarama na ito ay napakadali at natural, samantalang ang kalahati naman ay nakararanas pa ng ilang mga pagsubok. Sa usapin ng mga suliranin, ang aspetong teknikal tulad ng mahinang koneksyon sa internet (100%) at mga pisikal na aberya gaya ng brownout ang natukoy na pinakamalaking hadlang sa tuloy-tuloy na daloy ng klase. Sa kabila ng mga limitasyong ito, mayroong ganap na pagkakaisa (100%) ang kaguruan na ang integrasyon ng teknolohiya ay may malaking epekto sa pagpapabuti ng kalidad ng edukasyon, pagpukaw sa atensyon at motibasyon ng mga mag-aaral, at pagpapagaan sa araw-araw na gawain ng mga guro. Bilang konklusyon, pinatutunayan ng pananaliksik na ang tagumpay ng makabagong edukasyon ay labis na nakadepende sa antas ng digital competence ng mga humahawak ng klase. Dahil dito, mariing inirerekomenda ng pag-aaral ang pagpapatupad ng nakabalangkas na Professional Development (PD) o mga pagsasanay para sa mga guro, paglalaan ng sapat na pondo ng institusyon para sa mga kagamitan tulad ng laptops at projector, at ang pagtiyak sa pagkakaroon ng pantay at maaasahang akses sa internet.
Keywords
integrasyon ng teknolohiya, pagtuturo ng wikang Filipino, kakayahang digital, pananaw ng mga guro, teknolohiyang panturo, deskriptibong mixed-methods, Senior High School
bottom of page