Baha, baha, baha, suliraning matagal nang kinakaharap ng ating bansa. Sa tuwing may ulan, asahan ang daluyong ng baha, na nagpapalubog sa bawat mamamayan. Nakakapaminsala ito sa ating mga imprastraktura, kabuhayan, at kinakailangan ng agarang tulong mula sa pamahalaan. Subalit, may mga bahang hindi dulot ng kalikasan, at malalakas na bagyo, o tubig na rumaragasa sa mga lansangan. May mga bahang kahit tuyo na ang lansangan, lubog pa rin ang ating bansa, at madalas ay di nakikita, ngunit pumipinsala nang husto, na parang daluyong o agos na mahirap malaman, at pigilan ng mag-isa lamang.