Marami akong mga desisyong ilang ulit ko munang pinag-isipan bago ko ginawa. Hindi dahil lang sa takot ko sa mismong pagkakamali, kundi dahil mas natatakot ako sa kahihinatnan pagkatapos kong magkamali. Sa katulad kong overthinker, nauuna ko nang pinag-iisipan ang lahat ng maaaring maging direksyon at kalalabasan, lalo na ang mga posibleng pinakamasamang senaryo sa bawat pagpipilian ko.